Тыдзень беларускай мовы і літаратуры
Тыдзень беларускай мовы і літаратуры "Матчына мова" прайшоў у загадзя ўсталяваны тэрмін з 5 па 10 кастрычніка 2020 года.
А пачаўся наш тыдзень так…
У панядзелак вучні школы прынялі актыўны ўдзел у гульні-віктарыне “Беларусь - мая краіна!”. Кожны перапынак у актавай зале другога паверха можна было ўбачыць цікавыя відэаролікі пра Беларусь і яе гарады.
У аўторак 6 кастрычніка ў межах акцыі «Рускай мове дай разгрузку – размаўляй па-беларуску» была наладжана выстава малюнкаў «У свеце казак», кніжная выстава «Слава кніжцы беларускай», а таксама квэст-гульня "Бедаруская скарбонка!".
Серада вучням 5-9 класаў запомнілася ўдзелам у віктарыне “Паўтараем, на роднай мове размаўляем”.
Інтэрактыўная гульня «Самы разумны» чакала сваіх сяброў з 7-9-я класы ў чацвер.
У пятніцу цікавае падарожжа “У вандроўку з фотакамерай”. Конкурс фотаздымкаў "Беларускія краявіды" чакала вучняў 5-9 класаў.
У суботу, 10 кастрычніка, урачыстае закрыццё “Тыдня беларускай мовы і літаратуры” закончылася ўдзелам у інтэрактыўных анлайн-гульнях па беларускай мове і літаратуры.
Пераможцамі тыдня беларускай мовы і літаратуры сталі вучні 7-8 класаў, а самымі актыўнымі ўдзельнікамі сталі вучні 6 класа.
Тыдзень беларускай мовы і літаратуры прайшоў цікава і быў насычаны разнастайнымі мерапрыемствамі.
