НЯДЗЕЛЯ БЕЛАРУСКАЙ МОВЫ I ЛIТАРАТУРЫ
З 18.01.2016 па 23.01.2016 у школе праходзіў “Тыдзень беларускай мовыі і літаратуры”. Настаўнікам беларускай мовы і літаратуры Зямцовай І.В. быў распрацаваны план тыдня. Вучні 5 – 9 класаў атрымалі заданне наладзіць выпуск газет, прысвечаных жыццю і творчасці юбіляраў 2016 года.
У панядзелак 18.01.2016 адбылося ўрачыстае адкрыццё тыдня беларускай мовы і літаратуры мерапрыемствам “У свеце добрых казак”. На другім паверсе была адкрыта выстава малюнкаў “Зямля пад белымі крыламі”.
У аўторак 19 студзеня быў наладжаны “Моўны турнір” для вучняў 5 – 7 класаў, для вучняў 8 – 9 класаў была прапанавана вандроўка з фотакамерай - конкурс фотаздымкаў “Беларускія краявіды”.
У сераду вучні 5-9 класаў працавалі над віктарыной.
Адкрыты факультатыўны занятак “Грані слова: ад гука да сказа” у 5 класе адбыўся ў чацвер.
У пятніцу адбыўся ранішнік “За чысціню роднай мовы”. Праходзіў ен у форме спаборніцтва паміж трымя камандамі. Удзельнікам былі прапанаваны заданні па культуры, гісторыі, этнаграфіі Беларусі.
У суботу, 23.01.2016, прайшло ўрачыстае закрыццё “Тыдня беларускай мовы і літаратуры”. Вучні 5 – 9 класаў удзельнічалі ў турніры “Пагуляем у роднае слова”.
Тыдзень беларускай мовы прайшоў цікава, быў насычаны разнастайнымі мерапрыемствамі.
