ТЫДЗЕНЬ БЕЛАРУСКАЙ МОВЫ І ЛІТАРАТУРЫ
Тыдзень беларускай мовы і літаратуры прайшоў у загадзя ўсталяваны тэрмін з 9 па 14 кастрычніка 2017 года.
Мэта мерапрыемстваў прадметнага тыдня – папулярызацыя роднай літаратуры і мовы сярод вучняў; ушанаванне юбіляраў 2017/2018 навучальнага года; развіццё пазнаваўчай і творчай актыўнасці; выяўленне і заахвочванне найбольш адораных вучняў.
Прадметным тыднем кіравала настаўнік беларускай мовы і літаратуры Зямцова І.В., а вучні 5 – 9 класаў прынялі актыўны ўдзел.
9.10.2017 г. адбылося ўрачыстае адкрыццё, прысвечанае юбілярам “Слаўныя сыны зямлі беларускай”.
10.10.2017 г. з дапамогай вучняў была праведзена лінгвістычная гульня-віктарына “Пяць зорак”. Мерапрыемства вылучалася прадуманай структурай правядзення і духам спаборніцтва каманд вучняў.
11.10.2017 г. вучням прапанавалася вандроўка з фотакамерай па родных мясцінах. Конкурс фотаздымкаў “Беларускія краявіды”.
12.10.2017 г.праведзена інтэлектуальная гульня “Чароўны квадрат”.
13.10.2017 г. была арганізавана віртуальная літаратурна-краязнаўчая вандроўка па сталіцы нашай рэспублікі “Мінск – сталіца Беларусі”, а таксама наведаны віртуальны музей “Збяры Беларусь у сваім сэрцы!” з вандроўкай па гістарычных мясцінах Гомельшчыны.
Вынікі правядзення прадметнага тыдня, згодна з палажэннем, будуць абмеркаваны на чарговым пасяджэнні МА.
